Farzandi oliy ta’lim muassasasiga o‘qishga kirgan ota-onadan baxtli odam bo‘lmasa kerak, nazrimda. Biroq grand emas, shartnoma asosida o‘qishga qabul qilingani imkoniyati cheklangan, qiynalibroq turgan oilaboshilar uchun biroz mushkullik tug‘dirardi. O‘qitay desa, imkoniyati yetmaydi. O‘qishingni yig‘ishtir, desa farzandining ko‘ngli sinadi, shashti qaytib qoladi…
Hukumatimiznining oqilona siyosati bu kabi muammolarga barham beribgina qolmay, qator qulayliklar ham tug‘dirayotgani esa ana shu masalada og‘rinib turgan otalar-u onalarning farzandi kamolini ko‘rishida g‘oyat quvonchli bo‘ldi. Kontakt pullarini maoshidan o‘tkazishlari va shuningdek, farzandining kontraktini to‘lagan maoshdan daromad solig‘i ham qaytarib olinishi nur ustiga nur bo‘ladi.
Soliq kodeksining 378-moddasiga koʻra, soliq toʻlovchining professional va oliy taʼlim tashkilotlarida oʻzining, shuningdek 26 yoshga toʻlmagan farzandlarining yoki turmush oʻrtogʻining taʼlim olishi uchun yoʻnaltirilgan ish haqi va boshqa daromadlari soliqqa tortilmaydi, yaʼni toʻlangan summadan 12 foiz daromad soligʻini qaytarib olishi mumkin edi. Biroq Prezident farmoniga muvofiq 2023-yil 1-avgustdan esa farzand uchun yosh chegarasi olib tashlanadi. Ota-onalar farzandining yoshidan qatʼiy nazar taʼlim olishi uchun toʻlagan summadan 12 foiz daromad soligʻini qaytarib oladi.
Haqgo‘y
