Bugun yuqori texnologik operativ va konservativ davolash usullarini talab etadigan jarrohlik amaliyotlarini amalga oshirish uchun viloyat markazi yoki poytaxtga borish shart emas. Bunday amaliyotlar olis hududlarda ham yo‘lga qo‘yilmoqdaki, bu mahalliy aholi uchun katta qulaylik tug‘dirayotir.
Toshkent shahridan kelgan malakali mutaxassislar tomonidan Jarqo‘rg‘on tuman tibbiyot birlashmasida chap son chanoq bo‘g‘imi artrozi bilan bog‘liq endoprotezlash amaliyoti o‘tkazildi. Ushbu amaliyot tuman tibbiyot birlashmasining travmotolog va jarrohlari uchun katta tajriba maktabi bo‘ldi. Ularning o‘zi ham bundan buyon mana shunday jarrohlik amaliyotlarini o‘zlari o‘tkazishlari mumkin.
Amaliyot muvaffaqiyatli yakunlandi. Hozirda esa bemor o‘zini yaxshi his qilmoqda. Ushbu murakkab, yuqori texnologik jarrohlik bepul amalga oshirildi va barcha harajatlar davlatimiz tomonidan qoplab berildi.
S.Murodova
