Angor tumani Qo‘shtegirmon mahallasida zamonaviy talablarga mos ravishda bunyod etilgan “ELEGANT” tantanalar saroyining ochilish marosimi bo‘lib o‘tdi.
Yangi maskan bir vaqtning o‘zida 1500 nafargacha mehmonni qabul qilish imkoniyatiga ega bo‘lib, aholiga sifatli xizmat ko‘rsatish, oilaviy tadbirlarni yuqori saviyada tashkil etish hamda hududda xizmat ko‘rsatish sohasini yanada rivojlantirishga xizmat qiladi.
Ochilish marosimi doirasida 10 nafar bolajonning sunnat to‘yi ham tashkil etildi. Tadbir ishtirokchilari bolajonlarni qutlab, ularga sog‘lik, baxt va kelajakdagi ezgu niyatlarida omad tiladilar.
Yangi tantanalar saroyining ish boshlashi hudud aholisiga yanada qulay va zamonaviy xizmatlardan foydalanish imkonini yaratadi.
