Mahalla qiyofasini o‘zgartirish faqat qurilish ishlari bilan emas, balki fuqarolarning birdamligi va tashabbuskorligi bilan ham chambarchas bog‘liq. Muzrabot tumanining “Do‘stlik” mahallasida aynan ana shunday hamkorlik muhiti shakllanmoqda.
Hududda ichki yo‘llarni tartibga keltirish, beton lotoklar va piyodalar yo‘laklarini qurish, sanitariya-tozalash hamda ko‘kalamzorlashtirish ishlari izchil olib borilmoqda. Obodonlashtirish tadbirlarida Xalq deputatlari Surxondaryo viloyati Kengashi deputati Eshqobil Sobirov va nuroniylar ham faol ishtirok etib, aholi bilan muloqotlar o‘tkazmoqda.
Uchrashuvlarda fuqarolar xonadonlari va ko‘cha oldi hududlarini ozoda saqlash, mahalla obodligiga daxldorlik bilan yondashishga da’vat etilmoqda. Bunday hamjihatlik bunyodkorlik ishlarining samaradorligini oshirib, mahallada yanada qulay va fayzli yashash muhitini qaror toptirishga xizmat qilmoqda.
