Termiz shahrida Termiz harbiy prokurori Sh.X. Mirzayev tashabbusi bilan kuch tuzilmalari hamkorligida ommaviy sayyor qabul tashkil etildi. Unda harbiy xizmatchilar, ishchi-xizmatchilar hamda ularning oila a’zolarining huquq va qonuniy manfaatlarini ta’minlash, murojaatlariga tezkor yechim topishga alohida e’tibor qaratildi.
Qabul davomida kelib tushgan 12 ta murojaatning 4 tasi shu joyning o‘zida hal etildi, 6 ta masala yuzasidan huquqiy tushuntirish berildi. Qolgan 2 ta murojaat ijobiy hal etish maqsadida nazoratga olindi.
Bunday sayyor qabullar aholi, ayniqsa harbiy xizmatchilar va ularning oila a’zolari bilan ochiq muloqotni kuchaytirish, mavjud muammolarni ortiqcha vaqt sarflamasdan hal etish hamda davlat idoralariga bo‘lgan ishonchni mustahkamlashga xizmat qiladi.
