Termiz shahridagi “Surxon Arena” majmuasida “Besh tashabbus olimpiadasi” doirasida stritbol bo‘yicha Surxondaryo viloyat bosqichi yakunlandi. Musobaqada viloyatning barcha tuman va shaharlaridan 16–21 hamda 22–30 yosh toifalarida saralangan 300 nafar yosh ishtirok etdi.
Murosasiz bahslar yakuniga ko‘ra, qizlar o‘rtasida har ikki yosh toifasida Denov tumanining “Yangi Hazarbog‘” va “Qovunlisoy” mahallalari vakillari g‘olib bo‘ldi. O‘g‘il bolalar bahslarida esa 16–21 hamda 22–30 yosh toifalarida Qiziriq tumanining “Yakkaterak” mahallasi jamoalari chempionlikni qo‘lga kiritdi.
Musobaqa yoshlarning sportga qiziqishini oshirish, jamoaviy hamjihatlikni mustahkamlash va iqtidorli sportchilarni aniqlashda muhim bosqich bo‘ldi.
