Qulay va xavfsiz yo‘l infratuzilmasini yaratish yo‘l-transport hodisalarining oldini olishda muhim omil hisoblanadi. Shu maqsadda Qumqo‘rg‘on tumanida M41 xalqaro avtomobil yo‘lining tuman markazidan o‘tgan qismida tungi vaqtda yo‘l chiziqlari yangilandi.
Qumqo‘rg‘on tuman Yo‘llardan foydalanish davlat muassasasi xodimlari tomonidan zamonaviy maxsus yo‘l bo‘yoqlari yordamida chizilgan yangi yo‘l belgilari transport vositalari va piyodalarning xavfsiz hamda tartibli harakatlanishini ta’minlashga xizmat qiladi.
Hududda yo‘l infratuzilmasini yaxshilash va harakat xavfsizligini yanada mustahkamlashga qaratilgan bunday ishlar belgilangan reja asosida izchil davom ettirilmoqda.
