Mustaqillik bayrami xalqimizni ezgu maqsadlar, birdamlik va Vatanga sadoqat tuyg‘usi atrofida birlashtiradigan muhim ayyomdir. Shu munosabat bilan Termiz shahridagi “Bog‘ishamol” mahallasida “Mustaqillik to‘yi” festivali doirasida bayram tadbiri o‘tkazildi.
Tadbirda mahalla faollari, nuroniylar, yoshlar va xotin-qizlar ishtirok etib, Mustaqillik yillarida erishilgan yutuqlar hamda Yangi O‘zbekistonda amalga oshirilayotgan bunyodkorlik ishlari e’tirof etildi. Vatanparvarlik ruhidagi kuy-qo‘shiqlar, badiiy chiqishlar va milliy raqslar bayramga yanada ko‘tarinki kayfiyat bag‘ishlab, ishtirokchilarda milliy qadriyatlarga hurmat va Vatanga muhabbat tuyg‘ularini mustahkamladi.
