Bugungi kunda xorijiy tajriba va zamonaviy bilimlarni yurt taraqqiyotiga yo‘naltirish, iqtidorli yoshlar bilan hamkorlikni mustahkamlash muhim ahamiyat kasb etmoqda. Shu maqsadda Surxondaryo viloyati hokimi Ulug‘bek Qosimov xorijning nufuzli oliy ta’lim muassasalarida tahsil olayotgan surxondaryolik yoshlar bilan onlayn uchrashuv o‘tkazdi.
Muloqot davomida yoshlar ta’lim olayotgan davlatlaridagi ilg‘or tajribalar, innovatsion loyihalar hamda viloyat rivojiga xizmat qiladigan tashabbuslarini taqdim etdi. Bildirilgan takliflar muhokama qilinib, ularni amaliyotga tatbiq etish bo‘yicha fikr almashildi.
Uchrashuv xorijda bilim olayotgan yoshlar bilan doimiy aloqalarni rivojlantirish, ularning salohiyati va g‘oyalarini qo‘llab-quvvatlash hamda viloyat taraqqiyotiga jalb etish yo‘lidagi muhim qadam bo‘ldi.
