Mamlakatimizda O‘zbekiston Respublikasi Prezidenti Shavkat Mirziyoyevning «Yetim bolalar va ota-ona qaramog‘idan mahrum bo‘lgan bolalarni davlat tomonidan qo‘llab-quvvatlashning yangi tizimini joriy etish chora-tadbirlari to‘g‘risida»gi qarori ijrosi doirasida ota-ona qaramog‘idan mahrum bo‘lgan yoshlarni uy-joy bilan ta’minlash bo‘yicha izchil ishlar amalga oshirilmoqda.
Mazkur ezgu sa’y-harakatlar Angor tumanida ham amaliy natija bermoqda. Xususan, uy-joyga muhtoj va ota-ona qaramog‘idan mahrum bo‘lgan 4 nafar yosh respublika budjeti mablag‘lari hisobidan Sharq guli mahallasidagi “Yangi O‘zbekiston” massivida barpo etilgan ko‘p qavatli uy-joylardan zamonaviy xonadonlar bilan ta’minlandi.
Yangi xonadonlar yoshlarning mustaqil hayot boshlashi, munosib turmush sharoitiga ega bo‘lishi hamda kelajakka ishonch bilan qadam qo‘yishida muhim ahamiyat kasb etadi.
