Yoshlarni sportga keng jalb etish, ularning bo‘sh vaqtini mazmunli tashkil etish va iqtidorini namoyon etish maqsadida “Besh tashabbus olimpiadasi” doirasidagi sport musobaqalari izchil o‘tkazilmoqda. Ana shunday bellashuvlardan biri Termiz shahrida bo‘lib o‘tdi.
“Mahalla ligasi” musobaqasining Surxondaryo viloyati hududiy final bosqichida shahar va tumanlarda saralangan jamoalar shaxmat, shashka, vorkaut, stol tennisi, voleybol, stritbol va mini futbol yo‘nalishlarida o‘zaro kuch sinashdi.
Musobaqada Termiz tumani vakillari ham munosib ishtirok etib, sovrinli natijalarga erishdi. Xususan, stol tennisi bahslarida Mustaqillik mahallasidan Akmal Qorayev hamda M. Eshtemirov mahallasidan Maxfuza Xayitqulova 1-o‘rinni egallab, g‘oliblikni qo‘lga kiritdi.
Mazkur natijalar yoshlar o‘rtasida sportni ommalashtirish va mahallalarda sog‘lom raqobat muhitini shakllantirish borasidagi ishlar samarasi sifatida baholanmoqda.
