Hududlarda zamonaviy infratuzilmani rivojlantirish, aholi uchun qulay yashash va dam olish sharoitlarini yaratish yo‘lida amalga oshirilayotgan bunyodkorlik ishlari izchil davom etmoqda.
Angor tumanining Navro‘z mahallasida “Turizm sayilgohi 24/7” loyihasi hamda ko‘p qavatli uy-joylar qurilishi doirasidagi ishlar olib borilmoqda. Surxondaryo viloyati hokimligi ijro apparati rahbari Murodali Yo‘ldoshev hududga tashrif buyurib, qurilish va obodonlashtirish jarayonlari bilan tanishdi.
O‘rganish davomida obyektlardagi ishlarning sifati, belgilangan muddatlarga rioya etilishi hamda bunyodkorlik jarayonlari ko‘rib chiqildi. Mas’ullarga ishlarni jadallashtirish, sifat talablarini ta’minlash va loyihalarni o‘z vaqtida yakunlash bo‘yicha tegishli topshiriqlar berildi.
Mazkur loyihalar hududning turizm salohiyatini oshirish, zamonaviy shaharsozlik muhitini shakllantirish va aholi uchun yanada qulay sharoitlar yaratishga xizmat qiladi.
