Davlat tomonidan tibbiyot xodimlarini ijtimoiy qo‘llab-quvvatlashga qaratilgan yana bir muhim imkoniyat yaratildi. Endilikda uzoq yillar fidokorona mehnat qilgan tibbiyot va farmatsevtika xodimlari uy-joy xarid qilishda davlat ko‘magidan foydalanishlari mumkin.
Kamida 15 yillik ish stajiga ega davlat tibbiyot muassasalari xodimlariga ipoteka krediti asosida uy-joy sotib olish uchun dastlabki badalning bir qismini qoplash maqsadida subsidiya ajratiladi.
Arizalar Davlat xizmatlari markazlari yoki my.gov.uz portali orqali qabul qilinadi. Subsidiyadan har bir oila faqat bir marta foydalanishi mumkin, talabgorlar esa onlayn tanlov asosida saralanadi. Bu tizim uy-joyga ehtiyojmand va tajribali tibbiyot xodimlarini qo‘llab-quvvatlash hamda ularning ijtimoiy himoyasini kuchaytirishga xizmat qiladi.
