Kitobxon yoshlar taqdirlandi

Date:

Termiz shahridagi 26-sonli umumiy o‘rta ta’lim maktabida yoshlar va aholi o‘rtasida kitobxonlik madaniyatini yuksaltirish, mutolaaga bo‘lgan qiziqishni oshirish maqsadida “Kitobxonlik festivali” tashkil etildi.

Tadbirda ta’lim sohasi mas’ullari, hududiy bolalar kutubxonalari vakillari, kitobsevar o‘quvchilar hamda ota-onalar ishtirok etdi.

Festival doirasida “Eng kitobxon maktab”, “Eng faol kitobxon o‘quvchi”, “Ijodkor bolalar”, “Eng kitobxon oila” va “Eng faol kutubxonachi” yo‘nalishlari bo‘yicha ko‘rik-tanlovlar g‘oliblari aniqlandi.

Jumladan, “Ijodkor bolalar” yo‘nalishida Termiz tumanidagi 8-sonli maktabning 11-sinf o‘quvchisi Umida Muxammadiyeva, “Eng faol kitobxon maktab” yo‘nalishida Qumqo‘rg‘on tumanidagi 70-sonli maktabning “Zukko kitobxon” jamoasi g‘olib bo‘ldi.

Shuningdek, “Eng faol kutubxonachi” yo‘nalishida Sherobod tumanidagi 36-sonli maktab kutubxonachisi Ruxiya Normamatova, “Eng faol kitobxon o‘quvchi” yo‘nalishida esa Oltinsoy tumanidagi 20-sonli maktabning 10-sinf o‘quvchisi Latofat Shaymardonova g‘oliblikni qo‘lga kiritdi.

Yoshlar o‘rtasida mutolaa madaniyatini rivojlantirish, ularni kitobxonlikka keng jalb etish va maktab kutubxonalari faoliyatini jonlantirishga hissa qo‘shayotgan bir guruh kutubxonachilar ham munosib rag‘batlantirildi.

Ta’kidlanishicha, tanlovlarga viloyat bo‘yicha 190 mingga yaqin o‘quvchi jalb etilgan, 12 nafar g‘olib o‘quvchi munosib taqdirlangan.

Festival doirasidagi badiiy chiqishlar va kuy-qo‘shiqlar tadbirga ko‘tarinki kayfiyat bag‘ishladi.

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

TISU xalqaro reytingda 4 yulduzga sazovor bo‘ldi

Surxondaryo viloyatida oliy ta’lim sifatini oshirish va ta’lim muassasalarining...

«Mardlar maydoni»: xalqaro kurash turnirida surxonlik polvonlar peshqadam

Termiz shahrida buyuk alloma Hakim Termiziy tavalludining 1200 yilligiga...

Mo‘g‘ulistondan 400 bosh qo‘y keltirildi

Oltinsoy tumanida chorvachilikni rivojlantirish, naslchilik yo‘nalishini kengaytirish va go‘sht...

189 ballik natija

Termiz davlat universiteti Akademik litseyi o‘quvchilari Jaxongir Boysoatov va...
KunTun
KunTun