Muzrabot tumanida tadbirkorlikni qo‘llab-quvvatlash va aholi uchun zamonaviy xizmatlar ko‘lamini kengaytirishga qaratilgan yana bir yirik loyiha foydalanishga topshirildi.
“Do‘stlik” mahallasida bunyod etilgan 84 ta zamonaviy savdo va xizmat ko‘rsatish obyektining tantanali ochilish marosimi bo‘lib o‘tdi. Unda tuman hokimi Abdulla Mamatqulov, nuroniylar, tadbirkorlar va jamoatchilik vakillari ishtirok etdi.
Ta’kidlanganidek, mazkur majmua yangi ish o‘rinlari yaratish, tadbirkorlik faoliyatini rivojlantirish hamda aholiga ko‘rsatilayotgan savdo va xizmatlar sifatini yanada oshirishga xizmat qiladi. Ochilish marosimi ramziy lenta kesish bilan davom etdi, mehmonlar yangi obyektlarda yaratilgan sharoitlar bilan tanishdi.
