Yo‘l harakati qoidalarini puxta biladigan, mas’uliyatli va hushyor yoshlarni tarbiyalash bugungi kunning muhim vazifalaridan biridir. Ana shu maqsadda o‘tkazilayotgan “Yashil chiroq” ko‘rik-tanlovi o‘quvchilarning bilim va ko‘nikmalarini mustahkamlashga xizmat qilmoqda.
Termiz shahridagi 14-son umumiy o‘rta ta’lim maktabida “Yashil chiroq” ko‘rik-tanlovining Surxondaryo viloyat bosqichi bo‘lib o‘tdi. Unda tuman va shahar bosqichlarida g‘olib bo‘lgan maktab jamoalari 8 ta shart bo‘yicha o‘zaro bellashdi.
Yakuniy natijalarga ko‘ra, Sherobod tumani jamoasi faxrli 1-o‘rinni egallab, viloyat g‘olibi bo‘ldi. Mazkur natija yoshlarning yo‘l harakati qoidalariga oid bilimlari va jamoaviy hamkorlikdagi tayyorgarligi yuksak darajada ekanini yana bir bor namoyon etdi.
