Muzrabot tumani hokimi Abdulla Mamatqulov hamda tuman prokurori Baxtiyor Berdimuratov “Guliston Agro Biolaboratoriya” MChJning Yangiobod biolaboratoriyasida bo‘lib, bu yerda foydali hasharotlarni yetishtirish va fermer xo‘jaliklariga yetkazib berish jarayonlari bilan tanishdi.
Biolaboratoriyada paxta maydonlarini shira, trips, ko‘sak qurti va kuzgi tunlam kabi zararkunandalardan tabiiy yo‘l bilan himoya qiluvchi “Oltin ko‘z” entomofaglari ko‘paytirilmoqda. Mazkur usul kimyoviy vositalar sarfini kamaytirish, hosildorlikni oshirish hamda ekologik xavfsizlikni ta’minlashda muhim ahamiyat kasb etadi.
Tashrif yakunida biologik himoya tizimini yanada rivojlantirish va uning samaradorligini oshirish yuzasidan mas’ullarga tegishli topshiriqlar berildi.
