Termiz shahrida nogironligi bo‘lgan shaxslar uchun qulay va xavfsiz harakatlanish infratuzilmasini yaratish ishlari izchil davom etmoqda.
2026-yilgi dastur doirasida Barkamol avlod va Denov ko‘chalari kesishgan chorrahada piyodalar o‘tish joyi zamonaviy talablar asosida moslashtirildi. Bu yerga ovozli svetofor o‘rnatilib, ko‘zi ojiz piyodalar uchun maxsus yo‘l belgilar, taktil qoplamalar va yangilangan yo‘l chiziqlari tashkil etildi.
Mazkur ishlar nogironligi bo‘lgan fuqarolarning mustaqil, xavfsiz va erkin harakatlanishini ta’minlash, shuningdek, shaharda yanada inklyuziv va to‘siqlarsiz muhitni shakllantirishga xizmat qiladi.
