Angor tumanining “Xomkon” mahallasida yashovchi Tilovmurod Xudoyorov xonadoni tomorqa yer maydonidan samarali foydalanib kelmoqda.
Xonadonga qarashli 10 sotix yer maydonida 3 yildan buyon issiqxona faoliyat yuritmoqda. Joriy yilda esa qo‘shimcha 20 sotix ochiq maydonga bodring ekilib, parvarish qilinmoqda.
— Tomorqamizda oilaviy mehnat qilamiz. Mavsumiy ishlar qizg‘in pallada qo‘shimcha ishchilarni jalb etamiz. Yetishtirgan mahsulotimizdan olayotgan daromadimiz yaxshi, — deydi xonadon sohibi Tilovmurod Xudoyorov.
Bugungi kunda tomorqa yerlaridan oqilona va samarali foydalanish aholi bandligini ta’minlash, oilalar daromadini oshirish hamda ichki bozorni qishloq xo‘jaligi mahsulotlari bilan ta’minlashda muhim ahamiyat kasb etmoqda.
