Sariosiyo tumanida M-41 “Bishkek – Dushanbe – Termiz” xalqaro avtomobil yo‘li yo‘nalishida joylashgan Obizarang daryosi ustida yangi ko‘prik va aylanma yo‘l qurilishi davom etmoqda. Loyiha bilan tuman hokimi Odiljon Yaqubov tanishdi.
Hozirda foydalanish uchun yaroqsiz holga kelgan eski ko‘prik demontaj qilinib, transport harakatini uzluksiz ta’minlash maqsadida vaqtinchalik aylanma yo‘l barpo etilmoqda.
Yangi ko‘prikning qurilishi xalqaro ahamiyatga ega yo‘nalishda harakat xavfsizligini mustahkamlash, transport qatnovini barqarorlashtirish hamda yo‘l infratuzilmasini zamonaviy talablar asosida rivojlantirishda muhim ahamiyat kasb etadi.
