Angor tumanida “Besh tashabbus olimpiadasi” doirasida sportning mini-futbol va futbol turlari bo‘yicha o‘tkazilgan Davlat xavfsizlik xizmati kubogining tuman bosqichi g‘oliblarini taqdirlash marosimi bo‘lib o‘tdi.
Unda tuman hokimligi, tegishli tashkilotlar vakillari hamda keng jamoatchilik ishtirok etdi. Musobaqalarda yuqori natija ko‘rsatgan jamoalar munosib taqdirlanib, ularga esdalik sovg‘alari topshirildi.
Shuningdek, “Yangi O‘zbekiston — yoshlar mamlakati!” shiori ostida o‘tkazilgan Yoshlar festivali doirasidagi tanlov va loyihalarda faol qatnashib, g‘oliblikni qo‘lga kiritgan yoshlar ham rag‘batlantirildi.
Ta’kidlash joizki, bunday tadbirlar yoshlarning sportga qiziqishini oshirish, bo‘sh vaqtini mazmunli tashkil etish, iqtidor va tashabbuslarini qo‘llab-quvvatlashga xizmat qilmoqda. Taqdirlash marosimi poytaxtdan tashrif buyurgan san’atkorlar ishtirokidagi konsert dasturi bilan yakunlandi.
