Yaponiyaning taniqli teleloyiha ijodkorlari O‘zbekiston bo‘ylab sayohat va madaniy meros haqida hujjatli dastur suratga olmoqda. Loyiha Turizm qo‘mitasi hamda O‘zbekistonning Yaponiyadagi elchixonasi hamkorligida tashkil etildi.
Tasvirga olish ishlari Toshkent, Samarqand, Buxoro va Nukus shaharlarida olib borilmoqda. Dasturda tarixiy obidalar, sharq bozorlari, Toshkent metrosi, “Afrosiyob” va “Sharq” poyezdlari hamda zamonaviy shahar hayoti aks etadi.
Mutaxassislar fikricha, ushbu loyiha Yaponiyada O‘zbekistonning turizm salohiyatini targ‘ib qilish, mamlakatning boy tarixi va madaniyatini xalqaro auditoriyaga tanitishda muhim ahamiyat kasb etadi.
