Termiz tumani hokimi Shuxrat Qalandarov rahbarligida harbiy xizmatdan qaytgan yoshlar bilan ishlash masalalariga bag‘ishlangan yig‘ilish o‘tkazildi.
Unda yaqinda yoshlar bilan bo‘lib o‘tgan uchrashuvda bildirilgan murojaat va takliflar ijrosi muhokama qilinib, ularni ish bilan ta’minlash, kasb-hunarga yo‘naltirish hamda ijtimoiy muammolarini hal etish bo‘yicha vazifalar belgilandi.
Yig‘ilishda Vatan oldidagi burchini sharaf bilan ado etib qaytgan yoshlarni qo‘llab-quvvatlash, ularning jamiyatda munosib o‘rin egallashiga ko‘maklashish va vatanparvarlik ruhini mustahkamlash muhim ahamiyat kasb etishi ta’kidlandi.
