Surxondaryo viloyatida Favqulodda vaziyatlar boshqarmasi hamda qator hamkor tashkilotlar tomonidan “Yosh qutqaruvchi – 2026” musobaqasining viloyat bosqichi o‘tkazildi.
Unda shahar va tuman bosqichlarida g‘oliblikni qo‘lga kiritgan 28 ta jamoa o‘zaro kuch sinashib, bilim va amaliy ko‘nikmalarini sinovdan o‘tkazdilar.
Musobaqa yakunlariga ko‘ra, umumiy o‘rta ta’lim maktablari o‘rtasida Denov tumani 81-sonli maktab jamoasi faxrli 1-o‘rinni egalladi. Kasb-hunar maktablari va akademik litseylar yo‘nalishida esa Termiz tumani Surxon ilg‘or texnikumi jamoasi g‘olib deb topildi.
Tadbir so‘nggida g‘olib va sovrindor jamoalar tashkilotchilar tomonidan diplom, medal hamda qimmatbaho sovg‘alar bilan taqdirlandilar.
