Toshkent shahrida o‘tkazilgan nufuzli musobaqada Jarqo‘rg‘on tumani iqtidorli sportchi qizlari munosib ishtirok etib, sovrindorlar safidan joy oldi.
Jasmina Jurayeva, Dilrabo Dulliyeva, Saodat Turayevalar o‘z vazn toifalari bo‘yicha faxrli 3-o‘rinlarni qo‘lga kiritdi. Sportchi qizlarning bu natijalari ularning tinimsiz mehnati, qat’iy intizomi va sportga bo‘lgan yuksak intilishining yorqin ifodasidir.
Umumjamoa hisobida Qoraqalpog‘iston Respublikasi 225 ball bilan 1-o‘rinni, SKBIOZM 77 ball bilan 2-o‘rinni, Surxondaryo viloyati esa 67 ball bilan 3-o‘rinni egalladi. Mazkur yutuqlar yurtimizda xotin-qizlar sportiga berilayotgan e’tibor va yaratilayotgan sharoitlarning amaliy samarasini yana bir bor tasdiqlaydi.
