Germaniyaning Berlin shahrida o‘smirlar o‘rtasida o‘tkazilayotgan nufuzli xalqaro turnirda O‘zbekiston sharafini himoya qilgan Jarqo‘rg‘on tumani sportchisi Boburbek Yusupov ilk kun bellashuvlaridayoq yuksak natijaga erishdi.
55 kg vazn toifasida gilamga chiqqan yosh polvon qat’iyat, tezkorlik va matonat evaziga raqiblariga munosib qarshilik ko‘rsatib, yakunda faxrli 3-o‘rinni qo‘lga kiritdi.
Mazkur natija Boburbek Yusupovning tinimsiz mehnati, murabbiylar bilan olib borilgan puxta tayyorgarlik va sportdagi izchil intilishining amaliy samarasidir. Uning bu yutug‘i nafaqat tuman, balki butun mamlakat sport jamoatchiligi uchun ham faxrli natija sifatida e’tirof etilmoqda.
