Surxondaryo viloyatida Hisob palatasi tashabbusi bilan davlat auditi va moliyaviy nazorat tizimini takomillashtirishga bag‘ishlangan onlayn seminar o‘tkazildi. Unda 2025-yil 18-dekabrdagi PF–252-son Farmoni mazmuni va unda belgilangan vazifalar ijrosi yuzasidan muhim masalalar muhokama qilindi.
Seminarda budjet mablag‘laridan samarali foydalanish, davlat xaridlari va investitsiya loyihalari ustidan nazoratni kuchaytirish, qonunbuzilishlarning oldini olish kabi masalalarga alohida e’tibor qaratildi. Shuningdek, infratuzilma loyihalarida ochiqlik va shaffoflikni ta’minlash hamda moliyaviy xavflarni oldindan baholash bo‘yicha tavsiyalar berildi.
Mazkur seminar moliyaviy intizomni mustahkamlash, davlat mablag‘laridan oqilona foydalanish samaradorligini oshirish hamda ochiqlik va hisobdorlikni ta’minlashda muhim ahamiyat kasb etadi.
