Surxondaryo viloyatida atrof-muhitni muhofaza qilish va aholi salomatligini yaxshilashga qaratilgan “Toza havo” oyligining ikkinchi bosqichi boshlandi. Ushbu muhim tashabbus hududda ekologik barqarorlikni ta’minlash yo‘lida izchil amalga oshirilmoqda.
Mazkur loyiha har yili ikki marotaba o‘tkazilib, Ekologiya milliy qo‘mitasi, ichki ishlar organlari hamda sog‘liqni saqlash tizimi hamkorligida tashkil etiladi. Ayni kunlarda viloyatning barcha hududlarida yo‘l harakati xavfsizligi xodimlari bilan birgalikda nazorat va targ‘ibot ishlari olib borilmoqda.
“Toza havo” oyligi doirasidagi tadbirlar atmosfera ifloslanishini kamaytirish, ekologik madaniyatni oshirish hamda fuqarolarni tabiatga mas’uliyat bilan yondashishga undashda muhim ahamiyat kasb etadi.
