Oltinsoy tumanida “Kavsar” texnologiyasi asosida paxta maydonlarini sug‘orish ishlari yo‘lga qo‘yildi. Quyosh energiyasida ishlovchi ushbu mobil majmua 3,5 kilometrgacha yig‘ma quvurlar orqali suv yetkazib berish imkonini yaratmoqda.
Mazkur innovatsion yondashuv suv resurslaridan oqilona foydalanish, energiya tejamkorligini ta’minlash hamda paxtachilikda hosildorlikni oshirishda muhim ahamiyat kasb etadi. Tuman hokimi Otabek Mavlyanov ushbu texnologiya qo‘llanilayotgan hududlarda olib borilayotgan ishlar bilan yaqindan tanishdi.
“Kavsar” texnologiyasi qishloq xo‘jaligida zamonaviy, ekologik toza va samarali yechim sifatida katta istiqbolga ega.
