Sport bilan shug‘ullanish yoshlar salomatligini mustahkamlash bilan birga, ularda irodani chiniqtirib, yuksak natijalarga erishish motivatsiyasini shakllantiradi. Shu bois yoshlar o‘rtasida sportni rivojlantirish muhim ahamiyatga ega.
Buxoro shahrida kurash sport turi bo‘yicha U-15 o‘smirlar (o‘g‘il va qiz bolalar) o‘rtasida O‘zbekiston chempionati (kurash U-15) bo‘lib o‘tdi. Mazkur nufuzli musobaqada Jarqo‘rg‘on tumani sport maktabi sportchisi Nozima Bobomurodova o‘zining yuqori mahorati va matonatini namoyish etib, faxrli 1-o‘rinni qo‘lga kiritdi.
Ushbu g‘alaba nafaqat sportchi uchun, balki butun hudud yoshlari uchun katta ilhom manbai bo‘lib xizmat qiladi. Bu kabi natijalar mamlakatda sportga e’tibor ortib borayotganini va iqtidorli yoshlar qo‘llab-quvvatlanayotganini ko‘rsatadi.
