Ziyoratgoh va tarixiy maskanlarni obodonlashtirish yoshlar uchun ma’naviy tarbiya manbai bo‘lib, ularda tarixga hurmat va vatanparvarlik tuyg‘ularini mustahkamlaydi. Bunday tashabbuslar ayni paytda ichki turizm rivojiga ham xizmat qiladi.
Oltinsoy tumani hokimi Otabek Mavlyanov hamda tuman prokurori Ravshan Turdiyev Xo‘jayipok ziyoratgohida olib borilishi rejalashtirilayotgan qayta rekonstruksiya ishlari bilan tanishdi.
O‘rganish davomida ziyoratgoh hududini obodonlashtirish, infratuzilmasini yaxshilash va tashrif buyuruvchilar uchun qulay sharoitlar yaratish masalalariga alohida e’tibor qaratildi. Mutasaddilarga esa hududni zamonaviy talablarga mos ravishda tartibga keltirish, shu bilan birga uning tarixiy va ma’naviy ahamiyatini saqlagan holda rekonstruksiya ishlarini amalga oshirish bo‘yicha aniq topshiriqlar berildi.
Mazkur ishlar ziyoratgohning ma’naviy va madaniy ahamiyatini yanada oshirib, uni mahalliy va xorijiy sayyohlar uchun jozibador maskanga aylantiradi. Natijada esa yoshlar uchun tarix va ma’naviyatni anglash imkoniyati kengayadi.
