Qurilish sohasida tartib-intizom va qonuniylikni ta’minlash yoshlar uchun xavfsiz va zamonaviy yashash sharoitlarini yaratishda muhim o‘rin tutadi. Bunday nazorat ishlari hudud infratuzilmasining sifatli rivojlanishiga xizmat qiladi.
Oltinsoy tumanida Otabek Mavlyanov, tuman prokurori Ravshan Turdiyev, soliq inspeksiyasi boshlig‘i R Boymirzayev hamda ishchi guruh a’zolari ishtirokida ko‘p qavatli uylar qurilishi holati o‘rganildi.
Jarayon davomida qurilish obyektlarining hujjatlari, belgilangan me’yor va talablar asosida olib borilayotgani atroflicha ko‘zdan kechirildi. Shuningdek, ayrim joylarda aniqlangan noqonuniy qurilish holatlariga nisbatan tegishli choralar ko‘rilib, bunday holatlarning oldini olish bo‘yicha mas’ullarga aniq topshiriqlar berildi. Mutasaddilar qurilish ishlarini qonuniy asosda, sifat va xavfsizlik talablariga to‘liq rioya qilgan holda amalga oshirish zarurligini ta’kidladi.
Mazkur o‘rganish ishlari hududda tartibli va xavfsiz qurilish muhitini shakllantirishga xizmat qiladi. Natijada aholiga munosib yashash sharoitlari yaratilishi hamda shaharsozlik jarayonlarining sifatli rivojlanishi ta’minlanadi.
