Yoshlar sporti — sog‘lom avlodni tarbiyalash, ularning jismoniy chiniqishi va jamoaviy ruhini mustahkamlashda muhim o‘rin tutadi. Shu maqsadda Jarqo‘rg‘on tuman sport maktabi futbol maydonida 2012-yilda tug‘ilgan o‘smirlar o‘rtasida “Sport maktablar futbol ligasi”ning viloyat hududiy bosqichi o‘tkazildi.
Musobaqada Jarqo‘rg‘on, Sho‘rchi, Oltinsoy va Qumqo‘rg‘on tumanlaridan kelgan yosh futbolchilar o‘z mahoratini namoyish etdilar. O‘yinlar qizg‘in va murosasiz kechib, har bir jamoa g‘alaba uchun astoydil kurashdi.
Yakuniy natijalarga ko‘ra, Oltinsoy tumani jamoasi barcha raqiblarini ortda qoldirib, ishonchli g‘alabaga erishdi va Termiz shahrida o‘tkaziladigan viloyat final bosqichiga yo‘llanmani qo‘lga kiritdi.
Bunday musobaqalar yoshlar o‘rtasida sportga qiziqishni oshirish, ularning irodasini mustahkamlash hamda kelajakda professional sportchilarni tayyorlashda muhim ahamiyat kasb etadi.
