Tibbiyot sohasida sifatli ta’lim berish kelajakda malakali mutaxassislar yetishib chiqishining asosiy omillaridan biridir. Shu maqsadda Toshkent davlat tibbiyot universiteti Termiz filiali xalqaro ta’lim fakultetida “Nevrologiya, bolalar nevrologiyasi” fanidan amaliy mashg‘ulotlar tizimli ravishda tashkil etilmoqda.
Mashg‘ulotlar assistent, PhD M.Xo‘shmurodova rahbarligida olib borilib, talabalarga nazariy bilimlarni amaliy ko‘nikmalar bilan mustahkamlash imkonini bermoqda. Dars jarayonlarida zamonaviy pedagogik yondashuvlar, interaktiv usullar hamda klinik holatlarni tahlil qilish orqali talabalarning mustaqil fikrlashi va kasbiy malakasi rivojlantirilmoqda.
Ayniqsa, bolalar nevrologiyasiga oid murakkab klinik holatlarni o‘rganish jarayonida talabalar real amaliyotga yaqin sharoitda bilim olishmoqda. Bu esa ularning kelgusida shifokor sifatida to‘g‘ri qaror qabul qilish ko‘nikmasini shakllantirishda muhim ahamiyatga ega.
Bunday amaliy mashg‘ulotlar nazariya va amaliyot uyg‘unligini ta’minlab, raqobatbardosh va yuqori malakali tibbiyot mutaxassislarini tayyorlashga xizmat qiladi hamda sog‘liqni saqlash tizimining kelajakdagi sifatini belgilab beradi.
