Surxondaryo viloyat sport boshqarmasi boshlig’i Ravshanbek Maxmudov Fransiyaning “Group Huit” kompaniyasi delegatsiyasi bilan uchrashuv o‘tkazdi. Uchrashuv davomida Jahon banki mablag‘lari hisobidan Surxondaryo viloyatining bir qator sport yo’nalishini qamrab olgan masalalarning yo’l xaritalari muhokama qilindi.
Xususan, viloyatda sport tizimini takomillashtirish, tumanlardagi sport maktablarining infratuzulmasini yaxshilash yuzasidan fikr almashildi. “Group Huit” kompaniyasi mutaxassislari loyiha mazmuni, uning asosiy yo‘nalishlari hamda rejalashtirish bosqichlari haqida batafsil ma’lumot taqdim etdilar.
Tomonlar loyihani amalga oshirish bilan bog‘liq masalalarni atroflicha muhokama qilib, kelgusi bosqichlarda ma’lumotlar almashish hamda hamkorlikni yanada rivojlantirish bo‘yicha kelishib oldilar.
