Prezident Olimpiadasida Surxondaryo sportchilari muvaffaqiyatli ishtirok etib, ayollar kurashi bahslarida ikkita vazn toifasida shohsupaning eng yuqori pog‘onasiga ko‘tarildi. Jumladan, 36 kilogramm vazn toifasida Shodiya Xolmo‘minova, 54 kilogramm vazn toifasida esa Hulkar Bahriddinova barcha raqibalarini ortda qoldirib, oltin medallarni qo‘lga kiritdi.
Yunon-rum kurashi bahslarida 48 kilogramm vazn toifasida qatnashgan Surxondaryo vakili Nurmuhammad Samijonov ham muvaffaqiyatli ishtirok etib, kumush medalga sazovor bo‘ldi. Ushbu natijalar viloyat sportchilari uchun musobaqaning navbatdagi kunini muvaffaqiyatli yakunladi.
