Dushanbe shahrida o‘tkazilgan O‘zbekiston va Tojikiston oliy ta’lim muassasalari rektorlarining III forumi doirasida ikki davlat universitetlari o‘rtasida keng ko‘lamli hamkorlikni nazarda tutuvchi muhim hujjatlar imzolandi.
Forum yakunida O‘zbekiston va Tojikiston oliy ta’lim muassasalari o‘rtasida 60 dan ortiq shartnoma, kelishuv va memorandumlar qabul qilindi. Ular talabalar va professor-o‘qituvchilar almashinuvini rivojlantirish, qo‘shma ta’lim dasturlarini yo‘lga qo‘yish, ilmiy tadqiqotlarni birgalikda olib borish hamda akademik mobillikni kengaytirishga qaratilgan.
Mazkur hujjatlar ikki mamlakatning yetakchi oliygohlari o‘rtasida ta’lim, ilm-fan va innovatsiyalar sohasidagi hamkorlikni mustahkamlab, xalqaro tajriba almashinuvi va zamonaviy bilimlarni rivojlantirishga xizmat qilishi bilan muhim ahamiyat kasb etadi.
