Termiz shahri bo‘ylab barcha mahallalarda umumxalq xayriya hasharlari uyushqoqlik va ko‘tarinki kayfiyatda davom etmoqda.
Mahalla ahli, nuroniylar, yoshlar hamda turli tashkilot vakillari birlashib, ko‘chalarni tozalash, daraxtlarni parvarishlash, ko‘chat va gullar ekish kabi obodonlashtirish hamda ko‘kalamzorlashtirish ishlarini amalga oshirmoqda.
Hashar jarayonida milliy qadriyatlarimiz ham o‘z aksini topmoqda. Doshqozonlarda sumalaklar damlanib, palovlar pishirilmoqda. Bu esa xalqimizning azaliy an’analari, mehr-oqibat va hamjihatlik ramzi sifatida hashar tadbirlariga yanada fayz bag‘ishlamoqda.
Bunday ezgu tadbirlar nafaqat hududlarimizni obod qiladi, balki milliyligimiz, qadriyatlarimiz va jamoaviylik ruhini yanada mustahkamlaydi.
