Aholining daromadini oshirish va tomorqadan samarali foydalanishni yo‘lga qo‘yish kambag‘allikni qisqartirishda muhim omil hisoblanadi. Shu maqsadda tumanda manzilli amaliy yordam ishlari olib borilmoqda.
O‘zbekiston Respublikasi Vazirlar Mahkamasining 2025-yil 11-martdagi 158-sonli qarori ijrosini ta’minlash doirasida kambag‘allar reyestrida ro‘yxatda turuvchi qariyb 300 nafar fuqaroga jami 45 tonna kartoshka urug‘i tarqatildi.
Mazkur yordam orqali fuqarolar o‘z tomorqalariga kartoshka ekib, oilasining oziq-ovqat zahirasini ko‘paytirish, ortiqcha hosilni sotish orqali qo‘shimcha daromad topish imkoniyatiga ega bo‘ladi.
Bu kabi tashabbuslar aholining bandligini ta’minlash, daromad manbalarini kengaytirish hamda kambag‘allikni qisqartirishga xizmat qilmoqda.
