Aholini sifatli tibbiy xizmat bilan ta’minlashda dori-darmon vositalarining barqaror va uzluksiz yetkazib berilishi muhim ahamiyatga ega. Shu maqsadda Surxondaryo viloyati hokimi Ulug‘bek Qosimov “Surxon dori-darmon” MCHJ omborxonasi faoliyati bilan tanishdi.
Tashrif davomida aholi ehtiyojlari uchun keltirilgan dori vositalarining saqlash sharoiti, hisobini yuritish hamda hududlarga taqsimlash jarayoni o‘rganildi.
Shuningdek, omborxona faoliyatini yanada tizimlashtirish, moddiy-texnika bazasini mustahkamlash hamda dori-darmonlarni hududlarga ehtiyojdan kelib chiqib uzluksiz yetkazib berishni ta’minlash bo‘yicha mutasaddilarga aniq vazifalar belgilandi.
