Surxondaryo viloyati hokimi Ulug‘bek Qosimov “Matbuot uyi” faoliyati bilan tanishib, muassasaning moddiy-texnik imkoniyatlari, tahririyatlar ish jarayoni va kelgusidagi rejalarini ko‘rib chiqdi. Uchrashuvda axborot sohasida zamonaviy yondashuvlarni keng joriy etish, media mahsulotlar sifatini oshirish hamda jamoatchilik bilan ochiq muloqotni kuchaytirish ustuvor vazifa sifatida belgilandi.
Shuningdek, hududda kitobxonlik madaniyatini rivojlantirish, yoshlar o‘rtasida mutolaaga qiziqishni kuchaytirishga qaratilgan ma’rifiy loyihalarni faollashtirish zarurligi ta’kidlandi.
Tashrif doirasida Turizm boshqarmasi tomonidan amalga oshirilayotgan va istiqboldagi loyihalar taqdim etilib, viloyatning sayyohlik salohiyatini oshirish, yangi yo‘nalishlar ochish, infratuzilmani takomillashtirish hamda xizmat ko‘rsatish sifatini yaxshilash masalalari muhokama qilindi.
Media va turizm sohalarini izchil rivojlantirish hududning ochiqligi, investitsion jozibadorligi va iqtisodiy faolligini oshirishga xizmat qiladi.
