“Airitom free zone”da “Ziyorat turizmining shakllanishi va rivojlanish istiqbollari” mavzusida ilmiy-amaliy konferensiya bo‘lib o‘tdi. Tadbirda Termiz davlat universiteti “Turizm” kafedrasi professor-o‘qituvchilari va talabalari, Imom Termiziy xalqaro ilmiy-tadqiqot markazi, “Vaqf” xayriya jamoat fondi hamda Ichki ishlar boshqarmasi vakillari faol ishtirok etdi.
Konferensiyada ziyorat turizmini rivojlantirish, uning ilmiy-nazariy asoslari va amaliy imkoniyatlari muhokama qilinib, hudud turizmini kengaytirishga qaratilgan dolzarb fikrlar bildirildi.
Mazkur tadbir Surxondaryo vohasida turizm salohiyatini oshirish va yangi imkoniyatlarni yaratishda muhim qadam bo‘ldi.
