Prezidentning 2026-yil 5-yanvardagi PQ-1-sonli qarori ijrosi doirasida tumanimizda o‘tkazilayotgan “Ijtimoiy profilaktika haftaligi” tadbirlari izchil davom etmoqda. Shu munosabat bilan yosh oilalar o‘rtasida ajrimlarning oldini olishga qaratilgan navbatdagi muhim profilaktik tadbir tashkil etildi.
Tadbir doirasida yoshlar tuman fuqarolik sudiga tashrif buyurib, sud faoliyati, oilaviy nizolarni ko‘rib chiqish tartibi hamda ajrimlarning huquqiy va ijtimoiy oqibatlari bilan yaqindan tanishdilar. Fuqarolik sudi raisi bilan o‘tkazilgan ochiq muloqotda oila muqaddasligi, er-xotin mas’uliyati hamda ajrimlarning farzandlar hayotiga salbiy ta’siri alohida ta’kidlandi.
Savol-javob va fikr almashuv tarzida o‘tgan uchrashuv yoshlarning oilaviy hayotga ongli va mas’uliyat bilan yondashuvini kuchaytirishga xizmat qildi. Mazkur tadbir mustahkam va barqaror oilalarni shakllantirish yo‘lidagi muhim qadam bo‘ldi.
