Surxondaryo viloyatida jamoat xavfsizligini ta’minlash, yashirin iqtisodiyotga barham berish hamda bozorlarda tartibli va shaffof savdo muhitini yaratish bo‘yicha tizimli choralar ko‘rilmoqda.
Shu maqsadda viloyat hokimi Ulug‘bek Qosimov Jarqo‘rg‘on, Qumqo‘rg‘on va Sho‘rchi tumanlarida amalga oshirilayotgan ishlar holatini o‘rgandi. Tashrif davomida markaziy oziq-ovqat va dehqon bozorlari faoliyati, arzonlashtirilgan mahsulotlar yarmarkalarini tashkil etish hamda savdo jarayonlarini raqamlashtirish masalalari ko‘zdan kechirildi.
Shuningdek, jinoyatchilikning oldini olish, narkotik moddalarning noqonuniy aylanmasiga chek qo‘yish va hududlar xavfsizligini ta’minlash borasidagi ishlar tahlil qilinib, bozorlarda videokuzatuv tizimlarini keng joriy etish bo‘yicha mas’ullarga aniq vazifalar belgilandi.
Mazkur o‘rganishlar aholiga qulay, xavfsiz va qonuniy savdo muhitini yaratish, shuningdek, jinoyatchilikka qarshi kurashishda samaradorlikni oshirishda muhim ahamiyat kasb etadi.
