Termiz davlat universitetida xalqaro hamkorlik doirasida Eron Respublikasining Sheyda instituti musiqa o‘qituvchisi Tahmineh Fakhravari tomonidan “O‘zbekiston va Eron musiqa san’atining bog‘liqligi” hamda “Eron klassik musiqasi” mavzularida mahorat darslari o‘tkazildi.
Bir oy davom etgan darslar davomida talabalarga vokal san’ati, an’anaviy xonandalik va solfedjio bo‘yicha chuqur bilimlar berildi. Bu tashabbus musiqiy ta’limda xalqaro tajriba almashuvini kengaytirish, ikki xalq madaniy aloqalarini mustahkamlash hamda talabalar ijodiy salohiyatini rivojlantirishga xizmat qilmoqda.
Tadbir yakunida Tahmineh Fakhravari universitet rahbariyatiga minnatdorchilik bildirib, hamkorlikni yanada kengaytirish istagini bildirdi.
