Ar-Riyod shahrida o‘tayotgan 6-Islom Birdamlik o‘yinlarida ilk bor Kurash sport turi bo‘yicha ko‘rgazmali musobaqalar tashkil etildi. Ushbu nufuzli bellashuvda Jarqo‘rg‘on tumanining faxri, kurash malikasi Shoxista Nazarova -70 kg vazn toifasida munosib ishtirok etib, barcha raqiblarini mag‘lubiyatga uchratdi va oltin medalni qo‘lga kiritdi.
Bu g‘alaba nafaqat Shoxista Nazarovaning, balki butun Surxondaryo viloyati va yurtimiz sport jamoatchiligining faxridir. Uning mehnatsevarligi, matonati va vatanparvarlik ruhi yosh avlod uchun yorqin namuna bo‘lib xizmat qiladi.
