Yangi qarorga muvofiq, endilikda 14–18 yoshdagi voyaga yetmaganlar o‘z nomiga mustaqil ravishda bank kartasi ochishi mumkin bo‘ldi. Bu yoshlarning moliyaviy savodxonligini oshirish, mustaqil xarajatlarni rejalashtirish va mas’uliyatni shakllantirishga xizmat qiladi.
Shuningdek, 14 yoshgacha bo‘lgan bolalar uchun ham bank kartasi ochish imkoniyati mavjud bo‘lib, bunda ota-ona yoki qonuniy vakilining yozma roziligi talab etiladi.
Mazkur yangilik yoshlarning moliyaviy hayotga faolroq kirib kelishi, ularning mustaqil to‘lovlar amalga oshirishi hamda raqamli bank xizmatlaridan foydalanish imkoniyatlarini kengaytiradi.
