2026-yil 1-yanvardan boshlab “Oʻzbekkosmos” agentligi daraxtzorlarning noqonuniy kesilishini, chiqindilar bilan bogʻliq huquqbuzarliklarni hamda ekologiya va geologiya sohalaridagi salbiy holatlarni kosmik monitoring orqali aniqlaydi.
Prezident Farmoniga muvofiq, yiliga kamida 3 marotaba davlat kosmik monitoringi oʻtkaziladi. Shuningdek, Toshkent viloyatining Boʻka tumanida elektr tarmoqlari, Surxondaryoda quyosh panellari uchun qulay maydonlar, Toshkent–Angren temir yoʻlida esa transport monitoringi sinov tariqasida amalga oshiriladi.
Barcha maʼlumotlar “Space Gov Monitoring” yagona platformasiga kiritilib, tegishli choralar koʻriladi.
