Bog‘ qayta tiklanmoqda

2023-yilda O‘zbekiston Ekologik partiyasi tomonidan Uzun tumanidagi “Qarashiq” mahallasida joylashgan, qariyb 5 gektarlik bog‘ tadbirkorlarga berilgani va tadbirkorlar bog‘dagi daraxtlarga zarar yetkazayotgani haqida munosabat bildirilib, mas’ullardan bunga befarq bo‘lmasliklari so‘ralgan edi.
O‘rganish olib borayotgan O‘zbekiston Ekologik partiyasi fraksiyasi hamda partiya vakillaridan iborat ishchi guruh mazkur bog‘ning holati bilan tanishdi. Aytish joiz, bugun bog‘ga mas’ullar tomonidan e’tibor qaratilib, uni tiklash ishlari olib borilmoqda. Mavjud daraxtlarni saqlab qolish, yangilarini ekish va aholining xordiq chiqarishi uchun sharoit yaratish bo‘yicha loyihalar taqdim etildi.
O‘zbekiston Ekologik partiyasi tomonidan bog‘ga ekish maqsadida 10 turdagi 500 tupga yaqin daraxt ko‘chatlari beriladigan bo‘ldi.