Surxondaryo viloyati hokimi Ulug‘bek Qosimov Angor tumanining Kayran mahallasida yashovchi tajribali pillakor Mengal momo Xolliyeva xonadonida bo‘lib, pilla parvarishi va terimi jarayonlari bilan yaqindan tanishdi.
Tashrif davomida pillachilik sohasida ko‘p yillik tajribaga ega bo‘lgan xonadon faoliyati o‘rganilib, joriy mavsumdagi pilla terimi ishlari ko‘zdan kechirildi. Muloqot jarayonida pillakorlarning mehnatini qo‘llab-quvvatlash, sohada samaradorlikni oshirish hamda mavjud tajribalarni ommalashtirish masalalariga alohida e’tibor qaratildi.
Ta’kidlanganidek, Angor tumanida pillachilik qadimiy an’ana va mehnatsevarlik asosida rivojlanib bormoqda. Tajribali pillakorlarning fidokorona mehnati tufayli mavsum uyushqoqlik bilan davom etayotgani esa belgilangan reja ko‘rsatkichlarini muvaffaqiyatli bajarishda muhim ahamiyat kasb etmoqda.
